پیاری ماں از مولانا طلحہ رحمانی صاحب

*ماں۔۔۔۔”ماں”…..*

ایک عظیم ھستی۔۔۔۔۔
محبتوں کی پیکر۔۔۔۔
عقیدتوں کی محور۔۔۔۔
اخلاص کی مینارہ نور۔۔۔۔
وفاء شعاری کا استعارہ۔۔۔
غموں کا مداوی۔۔۔۔۔

ایمانی نور سے منور ایک بے مثال ولاثانی نعمت خداوندی کا نمونہ۔۔۔۔

“اس” عورت کی پاکیزہ رشتوں کے کئی خوبصورت روپ۔۔۔

اور ان تمام دلکش روپوں میں سب سے مثالی روپ کا اک لازوال رشتہ۔۔۔۔۔”ماں” اور صرف “ماں” ہے۔۔۔۔

قوس و قزح کی مانند ھر رنگ و روپ میں اعلی وارفع مرتبہ ومنزلت کی “حامل”

حالات کے ستم سے جو بکھرا۔۔۔”ماں” کی دعاؤں سے وہ نکھرا۔۔۔۔

درد و غم اور کراہ سے جب صداء دلوں سے نکلتی ہے تو پیارے “رب تعالی” کے نام کے بعد صرف اک ھی سسناتی آواز لفظ “ماں” ھی سنائی دینا ہے۔۔۔جو یقیناً انسانی فطری جبلت کا اظہار۔۔۔۔

“جس” کی زیارت کرنا ثواب ھی ثواب۔۔۔بلکہ “مفہوم” کے مطابق مقبول حج عمرہ کا ثواب۔۔۔۔۔

“ماں”۔۔۔۔

“اس” کی ممتا سے رب تعالیٰ نے اپنی محبت کی مثال پیش کی۔۔۔۔

“مفہوم” کے مطابق ستر ماؤں سے زیادہ رب اپنے بندے سے محبت کرتا۔۔۔
سبحان اللہ کیا ہی خوبصورت آفاقی پیغام ہے۔۔۔

دنیا بھی راحتوں ،خوشیوں،نعمتوں، سے لبریز ھوجائے۔۔۔تو منزل آخرت میں کامیابی و کامرانی بھی “اس” کی رضاء و خوشنودی کی مرھون منت ٹہری۔۔۔۔۔

کیونکہ۔۔۔۔۔

بہشت بریں کے سب راستہ “اس” کے قدموں تلے سے ھی گزر کر جانا کہا گیا ہے۔۔۔۔

“اس” کی خدمت ھر آفت،ھر پریشانی،ھر دکھ،ھر غم،ھر بلا، سے حفاظت کی یقینی ضمانت۔۔۔۔

“اس” کے لب پہ دعاء کا آنا قبولیت ھی قبولیت۔۔۔۔

اس “ماں” کے کئی نام۔۔۔
رحمت ھی رحمت۔۔۔۔
برکت ھی برکت۔۔۔۔۔
سعادت ھی سعادت۔۔۔۔
عظمت ھی عظمت۔۔۔۔۔
فضیلت ھی فضیلت۔۔۔۔
راحت ھی راحت۔۔۔۔
شفقت ھی شفقت۔۔۔۔

“اس” کی اک جھلک سے دنیا کے غم کافور۔۔۔

قابل رشک ہے وہ اولاد جس کے حق میں “وہ” جذبات سے لبریز فریاد کرے تو فرش سے عرش کافاصلہ ختم ھوجائے۔۔۔
اور قبولیت کی ان چند گھڑیوں میں اولاد کے نصیب بدل جائیں۔۔۔ اوج ثریا کی مانند چمک جائیں۔۔۔نکھر جائیں۔۔۔مہک جائیں اور دنیا کیلئے ایک نامور مقام پا کر بامراد بن جائے۔۔۔۔

اپنی ھر خوشی،ھر لمحہ مسرت حتی کہ معمولی سی معمولی خواھشات کے بدلے “اولاد” پہ قربان کرنے والی ایک “ماں” اور صرف “ماں” ہے۔۔۔۔

کیا کہوں۔۔۔۔؟؟؟؟
کیا لکھوں۔۔۔۔؟؟؟؟

جو لکھوں۔۔۔۔جو بولوں وہ اس کی عظمت،اس کی رفعت،اس کی بلندی کیلئے کم ھی ھوگا۔۔۔۔!!!!

“وہ” مسکرائے تو۔۔۔وقت تھم سا جائے۔۔۔۔

خدا ناخواستہ “اس” کے آنسو نکلیں تو سب کچھ بہہ جائے۔۔۔۔

“ماں” وہ گوھر نایاب ہے جو بازار دنیا میں کہیں بھی دستیاب نہیں۔۔۔

یقیناً اس پاکیزہ حسیں رشتہ کا کوئی بدل ،کوئی مثال ،کوئی نمونہ نہیں۔۔۔۔۔

“اس” کی آغوش میں اک سائبان کا حسیں احساس۔۔۔۔جس سائبان کے تلے ٹھنڈی چھاؤں میں سکوں ھی سکوں۔۔۔۔۔

“اس” کی پیار بھری نظر پڑ جائے تو قوس وقزح کے رنگ بکھر جائیں۔۔۔

“اس”کے وجود کی خوشبو سے سماں معطر ھوجائے۔۔۔۔

انوار رحمت کی یقینی برسات ھر جانب سے برسے اور خوب برسے۔۔۔۔

“وہ” خوش تو زمانہ بھر خوشیاں قدموں میں آجائے۔۔۔

“اس” کی ناراضگی دونوں جہانوں کی ناکامی ونامرادی۔۔۔۔۔

آئیں۔۔۔۔!!!!!

عبادت،نعمت ،رحمت،برکت،سعادت، شفقت سے عبارت “اس ھستی” جس کو “ماں”۔۔۔”امی جان”….”اماں جان” کہتے ہیں ‘اس” کی قدر “اس” کے منصب کے مطابق کریں۔۔۔۔
اور دنیا کو فتح کرلیں۔۔۔۔
اپنی آخرت سنوار لیں۔۔۔
اور کامیابی کی ھر منزل کو پالیں۔۔۔

یہ “پیاری” رب کی دلاری جب دنیا سے روٹھ جاتی ہے تو سب کچھ ختم ھوجاتا ہے۔۔۔مضبوط قوت اعصاب،صبر واستقامت کے کوہ گراں والے تک بکھر کر ریزہ ریزہ ھوجاتے ہیں۔۔۔۔

جب یہ ھستی دنیا سے منہ موڑ کر جاتی ہے تو خیر وعافیت، بھلائی واچھائی، ظاھری و روحانی دعاؤں،نداؤں اور مناجات کی صورت میں ھم کو چلانے والی اپنے ساتھ رحمتوں ،راحتوں،نعمتوں اور شفقتوں والی اپنی چادر بھی لے جاتی ہے۔۔۔۔

انسان بہت درد ،بہت تکلیف اور الم وحزن کی گھاٹیوں گم ھوجاتا ہے۔۔۔یادیں اور گزری باتوں کے لمحے بہت رولادیتے ہیں۔۔
اور انسان بھری دنیا کے شور میں بھی تنہاء ھوجاتا ہے۔۔۔۔

ھر طرف رنگ ونور،چمک دمک اور رعنائیوں کے باوجود دل افسردہ افسردہ ،فضاء رنجیدہ رنجیدہ اور احساسات حزن وملال سے پر ھوکر تاریکیوں میں ڈوب جاتے ہیں۔۔۔۔۔

لیکن۔۔۔۔۔

بعض ایسے خوش بخت بھی ھوتے ہیں جن کو “وہ” ھستی “وہاں” سے بھی روحانی آسودگی کا ساماں کرتی ہے۔۔۔۔اور یہ خوش نصیب وہ ھوتے ہیں جو ان کے لئے “یہاں” سے ایصال حق و ثواب کی پابندی کرتے ہیں تو بے چین زندگی میں کچھ کچھ قرار و سکوں مل جاتا ہے۔۔۔

اور اس کیف کا خوشگوار احساس ھوا کا جھونکا بن کر دل ودماغ کے غم کا بوجھ قدرے ھلکا کردیتا ہے۔۔۔

اور خیر و عافیت کے کھلے دریچے سے ٹھنڈی ٹھنڈی ھواؤں کی خوشبو زندگی میں واپس آنے لگتی ہے۔۔۔۔

اس درد والم سے دوچار احباب اس تازگی کو برقرار رکھنے کیلئے اپنی حیات مستعار میں سے چند لمحے ان کے نام وقف کریں۔۔۔۔
پھر ان شاءاللہ فرقت الم کا نشان درد مندمل ھونا شروع ھوجائے گا اور روپ بدلتی اس محبت و عقیدت کا یہ رویہ ھم کو تابندہ رہ کر جلا بخشتا رھے گا۔۔۔۔

تو آئیں۔۔۔۔

جو “اس” ھستی کے وجود سے محروم ہیں۔۔۔وہ “ان” کو “وہاں” خوشیاں دیں۔۔۔اور۔۔۔۔ خود “یہاں” کامرانی کو اپنے حق میں مقدر فرمائیں۔۔۔۔

“ماں” کی جدائی پہ غم فرقت کا شکار ایک “بیٹا” یعنی “راقم” نے آج ایک “نامعلوم” صداکار کی نظم سنی تو دل مچل سا گیا اور چند جملے “اس” منور ھستی پہ لکھ دئیے۔۔۔جس کی رونق،جس کی زیارت سے “ظاھراً” محرومی ہے۔۔۔لیکن “ان” کی تمام روحانی توجہات کا حصار ھمیشہ مجھے اپنی آغوش میں ھونے کا احساس دلاتی ہے۔۔۔
“اس” نجیب الطریفین سادات اور کئی لازوال علمی نسبتوں کی حامل میری پیاری “امی جان” رحمہااللہ کی یادوں کی مشعل دل میں ھمیشہ جلتی رھتی ہے۔
اور ان شاءاللہ روز محشر انہی کی آغوش میں آخرت کی منزل کی طرف جاؤں گا۔۔۔۔
ایک نظم سنی۔۔۔اور شاید تقریبا پانچ برس کے بعد اس عنوان پہ پوری نظم مکمل سن سکا۔۔۔۔کیونکہ صبر وبرداشت کا بندھن ٹوٹ جاتا تھا۔۔۔اور “ماں” پہ کوئی بھی نظم،کوئی بھی کلام مکمل سننے کا متحمل گزشتہ پانچ برسوں سے نہیں تھا۔۔۔

آج سوشل میڈیا کی وساطت سے احباب و دوستوں کیلئے شئیر کرنے لگا تھا کہ یہ چند بے ترتیب و بے ربط جملے اس نیت سے لکھ ڈالے کہ آپ سب حضرات میری پیاری و عظیم المرتبت “والدہ” جو “بنت محدث العصر بنوری” اور “رفیقہ حیات امام اھل سنت” رحمہم اللہ سمیت سب جانے والوں کیلئے ایصال ثواب کریں۔۔۔

اور جس ساتھی کے طفیل یہ نظم ملی اور قلمی جذبات لکھے اللہ تعالیٰ ان کو بھی خوب خوب اجر عطاء فرمائے،ھر ساتھی کو “ماں” کی عظمت و قدر کی توفیق عطاء فرمائے اور جن کی “والدہ” یا “والد” دنیا سے تشریف لے گئے ہیں ان کو “ان” کیلئے صدقہ جاریہ بنائے۔۔۔۔آمین
(راقم۔۔۔۔۔طلحہ رحمانی)